Teacher blog Published on 2022-11-23 अनिता अधिकारी जिन्दगीको गोरेटोमा उकाली ओराली गर्दागर्दै जिउनको लागि सङ्घर्ष गर्दागर्दै थाहै नपाई कति चोटि मरेछु म मृत अवस्थामा रही बाँचेको भ्रममा परेछु म । भोलिको संसार सजाउने रहरमा हिँडेछु कति म काँडैकाँडामा भूत र भविष्यको सँघारमा अल्झिएर माया र मोहको सञ्जालमा बेरिएर । पिएर प्रत्येक विषको प्यालालाई छिचोलेर औँसीको रातलाई बनाउँछु जीवन पूर्णिमाको रात झैँ दियोमा बलेको अखण्ड बत्ती झैँ । वर्तमान सिङ्गो जीवन जिउँछु म काँडाको बिच सुन्दर फूल फुलाउँछु म भविष्यमा होइन वर्तमानमा जिउँछु म मरेर होइन जीवन जिएर जिउँछु म ।।
